Сыбайлас жемқорлыққа қарсы сананы тәрбиелеу

2025 жылғы 23 қыркүйекте Ақмола облысы Әділет департаментінің "Ақкөл Ауданаралық аумақтық бөлімі" филиалының басшысы, аға сот орындаушысы Г.Есмағұлова Агротехникалық колледж студенттеріне "Сыбайлас жемқорлыққа қарсы сананы тәрбиелеу"тақырыбында ақпараттық-түсіндіру дәрісін өткізді.
Дәріс барысында Г. Есмағұлова студенттерге сыбайлас жемқорлыққа қарсы дүниетанымды, құқықтық мәдениетті және жастар арасындағы азаматтық жауапкершілікті қалыптастырудың маңыздылығы туралы айтып берді.
Сыбайлас жемқорлықтың себептері мен салдарына, сондай-ақ оның алдын алу шараларына ерекше назар аударылды. Филиал басшысы әрбір азамат жас кезінен бастап сыбайлас жемқорлықтың қоғамның дамуына, экономикаға және мемлекеттік институттарға зиянды әсерін біліп түсінуі тиіс екенін атап өтті.
Сондай-ақ, Г. Есмағұлова қатысушыларды Қазақстан Республикасының Сыбайлас жемқорлыққа қарсы саясатын іске асыру шеңберінде әділет органдарының қызметімен таныстырды, практикадан нақты мысалдар келтірді және студенттердің сұрақтарына жауап берді.
Іс-шара жанды диалогта өтті, қатысушылар белсенділік пен қызығушылық танытты, бұл көтерілген тақырыптың маңыздылығы мен өзектілігін көрсетеді. Кездесу соңында қатысушылар ұйымдастырушыларға пайдалы және ақпараттық дәріс үшін алғыс білдірді.